Santa Marina festak ospatu dituzte Albizturko Santa Marina auzoan; bazkaria egin dute, eta arratsaldean, bi taldeen arteko lehia ikusteko aukera izan da.
Bihar izango da Santa Marina eguna, baina Albizturren, izen bereko auzoan, gaur ospatu dute eguna. Segore Etxe Berri jatetxean elkartu dira herritarrak bazkaltzeko eta ondoren trikitilari gazteen eskutik jarraitu du festak. Arratsaldean, eguzkiak oraindik erruz berotzen zuenean, Albizturko eta Bidaniako gazteak elkarren aurka lehiatu dira. Beroketa handiegirik egin gabe berotu zaizkie gorputzak, baina hala ere txukun egin dituzte lanak. Besteak beste, trontza, txingak, lokotxak, ingudea, sagar biltzea eta korrika egin behar izan dituzte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!