Udaleku irekiak egingo dituzte udan Albizturren. Udalak hiru begirale kontratatu nahi ditu horretarako eta izena emateko epea zabaldu du.
Begirale izateko baldintzen artean dago 18 urte beteta edukitzea. Euskara egoki menperatzea baloratuko dute. Hau da, PL 2 gutxienez izatea, eta horrela ez bada, burutuko den elkarrizketan frogatu beharko du euskara menperatzen duela. Horrez gain, herriaren ezagutza izatea baloratuko dute.
Begirale ikasketak edota hezkuntzarekin zerikusia izatea ere kontuan izango dute, eta puntuagarri izango dira, eta baita eskarmentua izatea ere.
Begirale lanak egiteko interesa dutenek maiatzaren 15a izango dute izena emateko azken eguna. Hori bai, Lanbide bidez egin beharko da eskaera.