Odol ematera joateko deia egin dute Albizturren, eta ez da aldez aurretik hitzordurik hartu beharko.
Osasun krisi betean egonagatik osasungintzak odola behar du, eta odol emaileei dei egin diete Odol Emaileen elkartetik. Astelehenean, hilak 25, Albizturren izango da odola emateko aukera. Kultur etxean 18:00etatik 20:00etara bitartean egongo dira odol emaileen zain, elkarteko kideak.
Aldez aurretik ez da ordurik hartu beharko, eta 18 urtetik 65 urtera bitarteko herritarrak odol emaile izatera animatzen dituzte: "Denen beharra dago".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!