Albizturko pilotalekuak babarrun usaina hartu du gaurkoan. 155 pertsona elkartu dira, Bizkor guraso elkarteak antolatutako babarrun jatean.
Babarruna da protagonista gaur, eta babarrunaren herrian, Albizturren ere, gorazarre egin diote. Laugarren urtez jarraian egin dute bazkaria. Berogailuen epeltasunean, platerkada ederrak jateko aukera izan dute. Herritarrez gain, kanpotik ere bertaratu dira bazkaltiarrak.
Haurrek jolasteko aukera ere izan dute, bazkaldu eta berehala. Eta helduek ere, kontu kontari aritzeaz gain, bingoan eta musean aritzeko aukera izan dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!