Irabaziz hasi du bere ibilbidea Eneko Labaka pilotari albizturtarrak Garfe enpresan. Urruzola atzelari asteasuarrarekin batera 22-21 irabazi dio Santxo-Zabala bikoteari, Alesbesen jokatutako partidan. «Ematen du emaitzaren bila propio joan garela, baina ez da horrela izan. Partida borrokatua izan da eta azken tantoa gure alde erori da», esan du Labakak. Partida «berezia» izan dela gaineratu du Labakak, lehen aldiz jantzi baitu Garferen elastikoa.
Bere debutaren egunean bi partida jokatzea egokitu zaio albizturtarrari, eta gainera, aurkari beraren kontra. Santxoren aurka lau eta erdian jokatu du arratsaldean Naiaran (Errioxa), eta 22-17 galdu du oraingoan.
Garfe enpresarekin lehen partida jokatu du gaur, bikote Urruzola atzelari asteasuarra zuela.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!