Karmele Aramendi albizturtarra, Loiuko 100 milioigarren bidaiaria

Argazkia: Bilboko Aireportua

Bartzelonatik lur hartu duen unean eman diote horren berri aireportuko zuzendariak eta konpainiako ordezkariek.

Duela 70 urte inauguratu zuen Bilboko aireportua, Sondikan, eta gerora Loiura pasa zuten. Gaur 100 milioi bisitariko langa pasa du eta, hain zuzen, zenbaki borobil hori albizturtar batena izan da.

Karmele Aramendi Bartzelonako El Prat aireportutik zetorren, Vueling konpainiako Airbus 320 hegazkinean. Hegazkinetik jaisterakoan, aireportuko zuzendari Cristina Etxeberria zuen zain, konpainiako ordezkariekin batera. «Sorpresaz» hartu du berria: «Poz handia hartu dut», aitortu du komunikabideen aurrean.

Sari modura, nahi duen lekura hegaldia oparituko diote albizturtarrari.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!