Seitik hamabi urtera bitarteko hogei ikasleek egin zuten bisita, hiru irakaslerekin. Bazekiten nora zetozen bisitan.
Batzuk lotsati eta besteak ausart, baina guztiak ere jator portatu ziren. Ikasi zuten zer den kazetaritza gertutik. Erredakzioa ikusi zuten lehenik. Lanen banaketa eta asteko plangintza. Baita maketa hutsak eta hauetan bete beharrekoak ere. Entzun zuten irratia, eta baita hitz egin ere.
Jolas egin zuten. Urduri, gogotsu eta emozioz beteta aritu ziren mikrofonoen aurrean. Galdera errazak, zailagoak edota tranpadunak erantzun behar izan zituzten. Ederki moldatu ziren guztiak ere.
Irribarretsu jarri ziren kameren aurrean, eta nola ez, ezin falta patataren ordezko babarruna.
Eguraldiak ez zien asko lagundu. Euria. Baina ziur berriz ere Albizturrera eramango zituen autobusa hartu bitarteko ordubetean, ederki disfrutatu zutela.