ain entzutetsuak diren babarrunen jaitsierarekin lehertuko dira jaiak. Kalejiraren laguntzarekin, ume eta gaztetxoenen otordua izango da. Arratsaldeko 16:00etan, berriz, gerria mugitzeko tartea izango da, Zumbatown aitzaki. 18:30ean, bosgarrenez, Albiztour bizikleta lasterketa jokatuko da. Sabela berdintze aldera, herritarrek batera afalduko dute, segidan, erromeria izango delarik.
Antzinako toka jolasean ariko dira albizturtarrak, igande goizez. 18:00etan, helduak esku-huskan arituko dira nor baino nor; eta gastronomiari tartetxoa zabalduz, tortilla txapelketa eta sagardo dastaketa izango dituzte, hurrenez hurren. Astea amaitzeko, belarriak fintzeko, bertsoak eta erromeria izango dituzte.
Abuztuaren 15ean, adin ezberdineko jendearentzat izango dira ekitaldiak, goizean zehar; erretirodunentzat hamaiketakoa, eta haurrentzat pilota partidak. Eguna aurrera joan ahala, herri kirolak ikusteko aukera izango dute herritarrek; jarraian, aldiz, Oinargi dantza taldeko kideek emanaldia eskainiko dute. Festen apurretan, nola ez, babarrunaren igoera izango da, kalejirako giro goxoa tarteko.
ANDRA MARI JAIAK
ABUZTUAK 13, LARUNBATA
12:00. Txupinazoa eta babarrun jaitsiera.
Ondoren. Kalejira eta pintxo potea.
14:00. Ume eta gaztetxoen bazkaria.
16:00. Zumbatown.
18:30. V. Albiztour bizikleta karrera.
21:00. Herri afaria.
Ondoren. Ansorregi eta Larrañaga trikitilariekin erromeria goizaldera arte.
ABUZTUAK 14, IGANDEA
11:15. Meza nagusia eta salbea.
Ondoren. Toka herrikoia.
18:00. Helduen pilota partidak.
Segidan. Tortilla txapelketa.
Jarraian. Sagardo dastaketa.
Ondoren. Bertsoak: Espuela nahi.
Gauean. Arandia anaiekin erromeria.
ABUZTUAK 15, ASTELEHENA
11:15. Meza.
Ondoren. Erretirodunen hamaiketakoa eta umeen pilota partidak.
18:00. Herri kirolak.
22:00. Dantza lurra emanaldia, Oinargi taldearekin
00:00. Babarrun igoera, kalejirak alaituta.