Aiztondo bailara El Salvadorreko Segundo Montes komunitatearekin senidetuta dago. Herriz herri, urtean zehar hainbat ekimen egiten dira hango herritarrei elkartasuna adierazteko. Adunako Basopetan irailaren 5ean Erromeri Eguna antolatu zuten.
Senidetzearen ibilbidea azaldu eta adunarrek konpromisoa hartu zuten, gutxienez, urtean behin ekitaldi bat antolatzeko Segundo Montesekin elkartasunez. Aurten, Belkoain mendira mendi martxa antolatu zuten, eta gero Basopetan, pintxoak, kirolak eta herri bazkaria egin zituzten. Bazkalostean, berriz, trikiti doinuak izan ziren protagonista.
