Aurten, lehen aldiz, emakumezkoen txapelketa egin dute, eta erakustaldi bikaina eskaini dute parte hartzaileek. Emakumezkoetan, Maddi Gesalaga, Estefi Etxebeste, Olaia Esnaola, Udane Ostolaza eta Eider Gartzia izan dira parte hartzaileak; eta gizonezkoetan, berriz, Gari Garmendia, Mikel Lopetegi Urra, Jon Unanue Goenatxo, Xabier Aranburu Guzta, Eneko Bilbao eta Sergio Mielgo aritu dira lehian.
Emakumezkoek zein gizonezkoek bost harrirekin egin behar izan dute lana eta 10 minutuko txandan ahalik eta denbora gutxienean bi jasoaldi egin behar izan dizkiote harri bakoitzari. Hori lortu dutenak izan dira Izeta eskolako bi harrijasotzaileak; emakumezkoetan, Gesalagak jantzi du txapela, minutu bat eta 50 segundoko denborarekin; eta gizonezkoetan, berriz, Urrak, bi minutu eta 27 segundoko denborarekin.
Honela geratu dira sailkapenak:
Emakumezkoak
- Maddi Gesalaga, 01:50
- Estefi Etxebeste, 01:52
- Udane Ostolaza, 03:01
- Olaia Esnaola, 03:36
- Eider Gartzia, 05:38
Gizonezkoak
- Mikel Lopetegi Urra, 02:27
- Gari Garmendia, 02:58
- Jon Unanue Goenatxo, 04:15
- Xabier Aranburu Guzta, 04:37
- Sergio Mielgo, 07:16
- Eneko Bilbao, -