Gorostidi Harriaren XVII. Txapelketa egingo da igande honetan Adunako pilotalekuan 18:00etan hasita. Lehen aldiz emakumezkoen txapelketa egingo da, eta hauek izango dira parte hartzaileak: Maddi Gesalaga, Estefi Etxebeste, Olaia Esnaola, Udane Ostolaza, Eider Gartzia, Sara Jimenez de Aberasturi, Ane Atxutegi eta Leire Olea ariko dira. Bost harrirekin egingo dute lana: zilindro zaharra, errektangularra, kubikoa, bola eta harri baldarra.
Gizonezkoek ere bost harri mota berak izango dituzte, pisu handiagokoak. Parte hartzaileak Gari Garmendia, Mikel Lopetegi Urra, Jon Unanue Goenatxo, Jon Marijuan, Eneko Bilbao eta Sergio Mielgo izango dira. Emakumezkoek zein gizonezkoek 10 minutuko txandan ahalik eta denbora gutxienean bi jasoaldi egin behar dizkiote harri bakoitzari. Sarera borondatezkoa izango da.