Adunako Udalak Hiri Antolamendurako Plan Orokorraren hasierako onarpeneko dokumentuaren aurkezpen saioa egingo du maiatzaren 13an, asteazkenean, 18:00etatik 19:00etara kultur aretoan.
Plan Orokorraren lanketa prozesua 2023an hasi zen herriko talde desberdinekin egindako parte hartze saioen bidez. Aurkezpen saio honetan dokumentuaren edukia eta proposamen nagusiak azalduko dituzte. Saioa Hirigramako teknikariek gidatuko dute; azalpenak emango dituzte eta herritarren galderei erantzungo diete.
Adunako Udalak herritar guztiak gonbidatu ditu saiora gerturatzera.
