Adunan hasi dira Ama Birjin jaiak ospatzen, eta bigarren eguna dute gaurkoa. Goizean sagardo-dastatzea izan dute, eta hamar ekoizle bertaratu dira euren edaria eskaintzera, hain zuzen, Aburuza, Altuna, Bereziartua, Etxeberria, Iparragirre, Larrarte, Petritegi, Sarasola, Satxota, Urbitarte eta Zabala.
Jarraian, herriko pilotalekuan bildu dira 150 lagun pasatxo, eta txekor jatea egingo dute. Arratsaldean, berriz, toka-txapelketa eta erromeria izango dituzte Izer eta Alabier trikitilariekin. Afaltzeko ere txekorra izango dute eta, ondoren, atzera oholtza gainean izango dira Izer eta Alabier trikitilariak.