Aurten berezia izango da abuztuaren 15a Adunan. 50 urte betetzen dira Axeri dantza berreskuratu zutela eta horregatik, belaunaldi guztietako axerien bilkura egingo dute, dantzari ohi eta egungo dantzarien bilkura izango da eta, ondoren, elkarrekin bazkalduko dute.
Axeri dantza ikasi nahi dutenentzat, Axeri dantza entsegu irekiak egingo dituzte uztailaren 10ean, 17an eta 24an, 19:00etan, herriko frontoian. 16 urtetik gorakoek parte hartu ahal izango dute.
Antolatzaileek aipatu dute, «oroitzapen eta emozioz» betetako egun handia izango dela jaietako egun handia.