Kadeteetan Xuhar Iparragirrek eta Oihan Navarrok jokatu dute eta 9-22 galdu dute azpeitiarren aurka. Jubeniletan 7-22 galdu dute Inhar Iparragirrek eta Peru Cestauk. Nagusietan Andoni Olasagastik eta Joanes Cestauk 20-22 galdu dute.
Migel Anjel Cestau Adunako taldearen arduradunak azaldu duenez, «hiru partidak galduta burumakur geratu gara. Real Madrilen aurka jokatzea bezala izan da. Nahiz herri txikia izan, Adunan asko bizi dugu pilota, eta talde polita osatu dugu Herriartekorako, baina pena izan da, zeozer irabazi eta azkenean ezin izan dugulako». Itzulerako jardunaldian «dena ematera» joango direla gaineratu du: «Ez da erraza izango, baina esaten den moduan, pilota biribila da eta oraindik badugu bolbora».