Azken txanpara iritsi dira Adunako jaiak. Goizean, txistularien dianarekin esnatu dira herritarrak, eta ondoren, meza nagusia izan dute. Segidan, udaletxe atariaren bueltan eseri dira, izan ere, herriko haur, gazte eta helduak dantzan aritu dira bazkalaurretik. Lehenik, txikienen txanda izan da eta haien emanaldiaren ondoren etorri da urtero egiten duten axeri dantza. Herriko dantzariak, blusa gorria soinean eta koloretako zapia buruan, axeri dantza egin dute.
Bertso saioa izango da 18:00etan Adunan, eta aurtengo jaiak amaitzeko, zezen suzkoa 22:30etatik aurrera. Horren ostean egingo diote agurra Kukurrukuari, datorren urteko festetara arte.
