Aurreko asteburuan, Caldereria Aburuza pilota txapelketarekin eta txekor bazkari eta afariekin jai giroan sartu ziren adunarrak, baina gaur eman diote Ama Birjin jaiei hasiera ofiziala. Karroza kuadrillako kideak izan dira udaletxeko balkoitik kukurrukuari harrera egin diotenak. Bertsotan eman dute aurtengo pregoia, eta herriko kuadrilla guztiak omendu dituzte, udaletxeko lehioetatik kamiseta guztiak zintzilikatuz. Dagoeneko martxan dute bost eguneko jai egitaraua.
Txupinazoaren ondoren, oilasko jokoa egin dute. Eguerdian, 60 urtetik gorakoen eta umeen bazkaria ere izan da, Joxe Mendizabal musikariak alaituta. Hala ere, adunarrek iluntzera arte izango dute zertaz gozatu. Ikusi hemen egitarau osoa.