Aurtengoan eskuz bost final jokatuko dira: benjamin, gizonezkoen eta emakumezkoen alebin, infantil eta kadete mailan. Pala txapelketan berriz, infantil mailakoak lehiatuko dira. Eskuz Binakako benjamin mailan, Bengoetxea-Altuna VS. Traore-Oñate bikoek neurtuko dituzte indarrak. Gizonezkoen alebin mailan, Egiguren-Lizarralde VS. Arteaga-Nazabal bikoek jokatuko dute, eta emakumezkoen mailan Cestau-Lertxundi VS. Aizpurua-Txapartegi bikoak lehiatuko dira nor baino nor. Infantil mailan, Arsuaga-Zugasti bikotea, Iparragirre-Caballero bikotearen aurka jokatuko dute finala. Azkenik, kadete mailan, Landa-Elola VS. Etxaniz-Cestau bikoaren artean erabakiko da Caldereria Abururza XIX. Esku Pilota Txapelketaren garailea nor den.
Eguneko azken partida, palaz jokatuko da infantil mailan. Bertan, Tejeria-Etxarri bikoteak Goenaga-Gurrutxaga bikoarekin neurtuko dituzte indarrak.
