Bisitari ugari elkartu da goizean sagarrondoen sekretuak aratzeko asmoz. Zabala eta Aburuza sagardotegietako sagardogileek gidatuta, herriaren erdigunetik abiatu dute txangoa eta sagastien zaintzaren inguruko lanak azaldu dituzte, besteak beste. Ondoren Unai Agirre Euskal Sagardoa izendapenaren koordinatzailearekin batera, Tolosaldeko sagardoen dastaketa egin dute Aburuza sagardotegian. Bertan, Aburuza eta Zabalako sagardoez gain, Isastegi, Eguzkitza, Goikoetxea eta Sarasolako sagardoak probatzeko aukera ere izan dituzte bisitariek.
Tolosaldea Turismoa, Euskadi Basque Country Gastronomika eta Gipuzkoa Turismoak babestu dute ekitaldi berezia.