Aurreko asteburuan, Caldereria Aburuza pilota txapelketarekin eta AdunaRock jaialdiarekin sartu ziren jai giroan adunarrak, baina gaur eman diote Amabirjin jaiei hasiera ofiziala. 20:00etan Palitos Family kuadrilla arduratu da kukurrukuari ongi etorria egiteaz, eta hauek izango dira, Kuadrilla Eguneko bazkaria prestatzeko ardura izango dutenak. Herriko haurrak; udaletxetik jaurti dituzten gozokiak jasotzen ibiltzeaz gain, buruhandiengandik ihesean ere ibili dira. Suziria jaurti ostean, pintxo afaria egin dute eta herriko bi sagardotegiek, Aburuza eta Zabalak, sagardo barrikotea jarri dute.
Biharko, honako egitaraua dute prestatuta Adunako jaietan:
- 06:30. Oilasko biltzaileen irteera.
- 11:00-13:00. Umeentzat puzgarriak.
- 13:00. Oilasko jokoa eta V. Urrezko Oilaskoa.
- 14:00. 60 urtetik gorakoen eta umeen bazkaria, Joxe Mendizabal musikariak alaituta.
- 15:30-18:30. Umeentzat puzgarriak.
- 20:30. Ibiza Gaua afari merienda, ur parkean.
- 20:30. Oilasko biltzaileen afaria, ur parkean.
- 21:30. Musikaldia Nermux DJ-arekin, ur parkean.
- 23:30. Dantzaldia Burrunba elektrotxarangarekin.