Adunako EH Bilduk maiatzaren 28ko udal hauteskundeetarako Kristina Rodriguez buru duen hautagaitza aurkeztu du. Bertan elkartu diren herritarrak «indartsu eta ilusioz» datozela esan dute. «Aurretik datozen kideen esperientzia eta berrien freskotasuna uztartzen dituen lantalde zabala gara eta herritarren beharrei erantzun eta herritarrekin lan egitea da gure asmoa».
Kristina Rodriguez alkategaiak gidatuko du taldea eta alboan izango ditu Xabier Zabala, Jone Olasagasti, Ainhoa Arruti, Xabier Tejeria, Ainhoa Arretxe, Igone Zaloña, Joxe Mari Sarasola, Miren Aburuza eta Leire Saizar. «Lanerako prest gaude», esan dute hautagaitza osatzen duten herritarrek.