Elkarreko banaketa saileko LABeko ordezkariek mobilizazioak egin zituzten pasa den astean, langile baten kaleratzea salatzeko. «Langile batek bere arduradunarekin izandako liskar baten ondorioz, aldebakarreko erabakia hartu dute eta langileari entzun gabe, bera kaleratzea erabaki dute», esan dute. Horiek horrela, enpresa batzordeko kideek diote langileari ezarritako zigorra «gehiegikeria bat» dela eta nabarmendu dute arriskuan jartzen dituela gainerako langileen eskubideak «liskarra bere eskubideak defendatzeagatik izan zelako».