Espaloi mistoak herrigunea eta Zubitxiki industriaguneak lotuko ditu eta bi metroko zabalera izango du. Argiteria ere jarriko da luzera guztian zehar eta bidegorri moduan erabili ahalko da, oinezkoentzat zein txirrindularientzat.
Telekomunikazioko hoditeria ere jarriko da herriguneraino; honek landa lurretatik doazen Telefonikako poste batzuk kentzeko aukera emango du obra amaitzean.
Errepidea ostegun honetan (urtarrilak 12) itxiko da eta lanek lauzpabost hilabete irautea aurreikusten dutenez, bitarte horretan, guztiz itxia egongo da. Beraien lur eremuetara joan behar duten pertsonei pasatzen utziko zaie, baina modu orokorrean bizilagunek ermitako errepidea (GI-3021) erabili beharko dute.