Iñigo Etxeberria da Irizar e-mobilityko zuzendari nagusi berria

Tolosaldeko Ataria 2022ko ira. 29a, 18:59

Gaur egun enpresaren esportazioko zuzendari komertziala denak, urriaren 1ean, larunbata, hartuko du kargu berria; Imanol Rego izan da orain arteko zuzendari nagusia.

Azken urte honetan Irizar e-mobilityren proiektu europarrak zuzendu ditu Etxeberriak, eta enpresatik adierazi dutenez, besteak beste, trenbide sektorean eta siderurgia industrian bere ibilbide profesionalean «erantzukizun handiko» hainbat lanpostutan «esperientzia handia» izan ondoren hartuko du zuzendari nagusi kargua.

Etxeberriak esan duenez, «gogo eta ilusio handiz» helduko dio lan berriari, «elektro-mugikortasunaren etorkizuneko erronkei heltzeko helburu sendoarekin». Bere hitzetan, «bezeroaren hurbiltasun eta leialtasun estrategia finkatzea, eta haiei elektro-mugikortasun soluzio integralak eskaintzea da lehentasuna. Sortu zenetik, Irizar e-mobility aldaketaren eta trantsizioaren buru izan da, eta etengabeko hazkunde horretan jarraituko dugu».  

Enpresak arrakasta profesional handiena opa dio: «Ziur gaude Irizar e-mobilityren sendotasun eta hazkunde bidearekin jarraituko duela mundu hobe bat sortzeko bidean», esan dute. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!