Goizean, txistularien dianarekin esnatu dira herritarrak, eta ondoren, meza nagusia izan da. Segidan, udaletxe atarian eseri dira, bertan izan baitira haurren dantza saioa eta axeri-dantza. Bi emanaldiak ikustera joan direnek gozatu ederra hartu dute.
Arratsaldean ere jarraituko du festak Adunan, ondorengo egitarauarekin:
- 18:00. Nagusien Mailako Dantza Suelto Txapelketa.
- 19:30. Bertsolariak: Haritz Mujika, Oihana Iguaran, Unai Mendizabal, Nerea Elustondo eta Agin Laburu. Gai jartzailea: Imanol Artola felix.
- 22:30. Erromeria Laket taldearekin.
- 00:00. Azkena gora! Agur Kukurruku!
