Elkar sarien laugarren sari emate ekitaldia ospatu zuen Elkar Fundazioak, atzo arratsaldean, Adunako egoitza berrian.
Ekitaldian, batetik, Ibilbideari Elkar saria eman zaie aurten baita ere 50 urte betetzen dituzten Elhuyarri eta Udako Euskal Unibertsitateari (UEU). Elhuyarren izenean Jon Abril eta Lurdes Ansak jaso dute saria, eta UEUren izenean aldiz, Ane Sarasuak, Joxemari Sorsek eta Jon Jakak, Elkar Fundazioko lehendakariaren eta idazkariaren eskutik. Gotzon Huegun artegile lasartearrak egindako artelan bana jaso dute sari gisa.
Bestetik, bi urtetik behin ematen den Joseba Jaka beka eman zaio Ines Osinaga musikariari. Aurten, lehen aldiz, musika sormenerako izan da, eta Osinagak Jon Jakaren eskutik jaso du saria, Itsasoa da bide bakarra proiektua lantzeko.
