Adunako Udalak 2021 urtean zehar herriko enpresetan ekonomia zirkularrarekin bat datozen irizpideak ezarrita ote dauden ezagutzeko ikerketa burutu zuen. Ildo honetan, ekonomia eredu hau zer den eta enpresen lehiakortasuna eta ingurumeneko konpromisoa indartzeko zein aukera eskaintzen dituen ezagutarazteko beharra zegoela ondorioztatu zuen. Hori dela eta, Adunako Udalak ekonomia zirkularreko estrategiak lantzen hasi nahi duten enpresei eta eredu honek euren egitekoan zertan lagun diezaiekeen ulertu nahi duten eragile ekonomikoei zuzendutako bi prestakuntza saio antolatu ditu: apirilaren 1ean eta 5ean, 09:00etatik 11:30era bitartean.
Saioak online izango dira eta doakoak. Horretarako aldez aurretik izena ematea beharrezkoa izango da, ondorengo helbidean: https://docs.google.com/forms/d/e/1FAIpQLSeWZxtAeLrf3vRNGO9x3K5av0GN0nHPE4eg7Am9mkHs_FY5ow/viewform
2021 urtean burututako ikerketaren emaitzak parte hartu zuten enpresei bidaliko dizkie udalak: enpresa bakoitzaren egoeraren txostena enpresa bakoitzari bidaliko dio eta emaitza horien azterketatik abiatuz eragile ekonomikoek euren enpresetako ekonomia zirkularreko estrategiak diseinatzeko urratsak eman ahalko dituzte.
Proiektu hau garatzeko Adunako Udalak Eusko Jaurlaritzako Ekonomiaren Garapen, Jasangarritasun eta Ingurumen Sailaren laguntza jaso du.