Nazioarteko topaketa ari dira egiten Gipuzkoako Foru Aldundiak antolatuta eta GK Recycling Gipuzkoako Birziklapen Klusterreko partaide diren hainbat enpresa ari dira bisitatzen, tartean Adunako Ekogras eta Kafea Eco. Foru aldundiak esan du Ekogras proiektua hainbat erakunderen lankidetzatik sortu zela. Bertan etxeetan erabilitako olioa biltzeko zerbitzu integrala eskaintzen dute "sistema berritzaile eta esklusibo batekin". Bildutako olioaren bolumena laukoiztu dutela esan dute. Kafea Eco Ekograsen ekimen paralelo bat dela esan dute era berean, eta kafe hondakinak birziklatzea dute helburu.
Gaur egiten ari dira Donostiako Kursaalean, Ekonomia Zirkularraren Nazioarteko Topaketa. Laugarren edizioa da aurtengoa. Jose Ignacio Asensio Ingurumen diputatuak esan du "ekonomia zirkularra palanka nagusietako" bat dela eta "Gipuzkoak dituen ingurumen eta gizarte erronkei erantzutea ahalbidetzen" duela nabarmendu du.