Gaur eta kultur astearen lehenengo ekitaldi gisa, Adunan mendi duatloiaren hirugarren edizioa ospatu dute. Eneko Gurrutxaga amasarra izan da irabazle gizonezkoetan eta Maddi Mujika urretxuarra emakumezkoetan. 83 lasterketarik hartu dute parte proban.
Bikoteka parte hartzeko aukera izan dute kirolariek eta guztira 20 bikotek eman dute izena. Helmugan azkarrenak Asier Aburuza eta Iñigo Irisarri adunarrak izan dira. Lehen aldia zuten mendi duatloian eta asko espero gabe irabazi dute lasterketa.
Hirugarren edizioa izan da aurtengoa eta ibilbideak ez du aldaketarik izan aurten: korrika egin duten lehen sektoreak 3,4 kilometro izan ditu, bizikletaz egin duten bigarren sektoreak 14,5 kilometro, eta korrika egin duten hirugarrenak 1,7 kilometroko. Mendiko partean lokatza pilatu da eta lasterkariek aipatu dutenez, zailtasun tekniko handiena bertan topatu dute. Duatloiaren hasieran euri pixka bat egin duen arren, probaren parterik handiena ateri izan dute korrikalariek.
Euskal Herriko Mendi Duatloien Zirkuituko azken proba izan da Adunakoa eta beraz bertan erabaki da sailkapena. Eneko Gurrutxaga amasarrak lortu du garaipena, azkeneko lau lasterketak irabazita. Emakumezkoetan Enara Oronoz izan da garaile.
Adunako sailkapena gizonezkoetan:
1. Eneko Gurrutxaga (Amasa) 1.10.26
2. Paul Bereziartua (Durango) 1.12.34
3. Jokin Egurbide (Getaria) 1.18.16
Adunako sailkapena emakumezkoetan:
1. Maddi Mujika (Urretxu) 1.33.41
2. Ainara Pequeño (Zumaia) 1.40.15
3. Nekane Pradera (Mallabia) 1.46.59
Adunako sailkapena bikoteka:
1. Asier Aburuza - Iñigo Irisarri (Aduna) 1.14.27
Euskal Herriko Mendi Duatloiaren Zirkuituaren sailkapena gizonezkoetan:
1. Eneko Gurrutxaga 708 p.
2. Paul Bereziartua 640 p.
3. Iñaki Isasi 597 p.
Euskal Herriko Mendi Duatloiaren Zirkuituaren sailkapena emakumezkoetan:
1. Enara Oronoz 600 p.
2. Ainhoa Usandizaga 526 p.
3. Zuriñe Frutos 460 p.
Beste urteetan egin moduan, afaria egingo dute parte hartzaileek, Euskal Herriko zirkuituari mahaiaren bueltan amaiera emateko. Bertan txapeldunei emango zaizkie sariak eta opariak proba guztiak egin dituzten lasterkariei. Aburuza sagardotegian izango da afaria.