Errainuak urrituz doazen unean,
tulipan beltza etzaten da lurraren gainera.
Gora begiratu, eta hutsak abaro egiten dit;
behera begiratu, eta lurrak besoak zabaltzen dizkit.
Hodeien txirikordak laztantzen dit bekokia,
urre-liliek lurrintzen dizkidate oinak.
Arrano bat dabilkit inguruka
erpeak non pausatuko.
Hotzikara sentitu dut azalean.
Goizeko Izar ederra gauez lotsati dago
zeruertzean apal, besteen kantuak entzuten.
Dantza egin nahi nuke berarekin,
baina nire abaroak itzali egingo luke.
Inguru hauetan, burdinak eta haitzak
hunkituta daude esku indartsuen laztanez.
Bidezidorrean zehar hitz bat dator,
poema batetik eroria,
eta nire oinetan hartu du pausaleku.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
