Maiatzaren 17a LGTBI pertsonen (lesbiana, gay, bisexual, transexual eta intersexualen) aurkako gorroto eta indarkeria mota ororen aurkako eguna izan da. Hori dela eta, Adunako Udalak ekitaldia antolatu du maiatzaren 21erako.
2018an bere buruaz beste egin zuen Ekai Lersundi Ondarroako gazte transexualaren bizitza jasotzen duen dokumentala ikusteko aukera izango dute bertaratzen direnek eta ondoren, bere gurasoekin solasaldia egingo da.
Naizen elkartearekin batera antolatu du udalak ekitaldia eta bertan ikusi ahal izango den Mi pequeño gran samurai 21 minutuko dokumentala 16 urtetik gorako herritarrentzat dago gomendatuta.