Era berezian egin dute Adunan Bultza euskaltegiak! Bultza euskara! lelopean ekitaldia. 22. Korrika egingo balitz gaur izango litzateke azken eguna, baina, bertan behera geratu denez, ez da euskararen aldeko lekukoa herririk herri igaro. Adunan, baina, herrian bada ere, 21,5.ena deitu diotenaren ibilbidea egin dute herritarrek, suziriak eta furgoneta eta guzti, eta horrekin batera, parte hartzaile bakoitzak oinetakoak utzi ditu. Jasotako oinetako guztiak Donostiako harrera sareari eman dizkiote, errefuxiatuen artean banatzeko. Hain justu, eguerdian egin duten ekitaldian harrera sareko kideak ere izan dira, eta Adunan herritarrek egindako ekarpena eskertu dute.
