Gaintza ondoko parke berriko obra oraindik ez dago bukatuta Adunan. Haur eta gurasoak obraren eremura ez sartzeko eskatu du udalak. "Azken egunetan umeak ibili dira eta ireki baino lehen gauzak puskatzen eta zikintzen ari dira. Ezbeharren bat gerta ez dadin berriz ere eskatzen dizuegu eremua errespeta dezazuen", adierazi du Adunako Udalak bando bitartez.
Herriko toki ezberdinetan ume batzuk modu desegokian ere badabiltzala gaineratu du oharrean, Txantxaneko kristalezko txabolaren teilatu gainean edota Segotegiko depositu gainean adibidez. "Horrela ibiltzea arriskutsua da eta kalteak sortzen dira".
Seme-alabekin hitz egiteko eta egoera honi bukaera ematuko eskatu die Adunako Udalak herriko guraso guztiei. "Udalak, etorkizunean, gertatzen diren azpiegituren kalteen arduradun gurasoak egingo ditu", gaineratu eta guztionak diren gauzak errespetatzeko deia luzatu du.