Prest dago Txantxa-Enea eraikineko eremua. Hurrengo ostegunetik aurrera, funtzionamenduan egongo dira udal liburutegi berria, 60 urtetik gorakoentzako lokala eta haurren lokal berria.
Hurrengo asteetan, denda-taberna aterako du udalak lizitaziora eta aste santua baino lehen irekitzea gustatuko litzaioke udalari.
Guzti honegatik, hurrengo abenduaren 19an, ekitaldi xume batekin hasiera emango diote Txantxa-Eneako guneari. Haur eta gurasoekin ekitalditxo bat egingo da, ondoren ateak irekiko dira eta gune ezberdinak bisitatzeko aukera egongo da. Bukaeran guztientzako luntxa eta oparitxoak egongo dira.