San Martin egunez abiatuko dute aurten kultur astea Adunan. Gailurretako esperientzia emango dute ezagutzera Felipe Uriarte eta Edurne Pasabanek.
Ez dira kirolari bakarrak izango ordea, asteazkenean gazteak gonbidatuko baitituzte mahai ingurura.
Juan Jose Ibarretxe lehendakari ohiak asteartean eskainiko du hitzaldia eta asteburuari begira, jai giroan murgilduko dira, musika, jan edan eta bestelakoekin.
ADUNAKO KULTUR ASTEA 2019
Azaroak 11, astelehena
19:00.Felipe Uriarte eta Edurne Pasabanek 40/40: herri baten taupadak izeneko solasaldian parte hartuko dute Ramon Olasagastik bideratuta. Elizan izango da saioa.
Azaroak 12, asteartea
19:00. Kultura da gakoa hitzaldia emango du Juan Jose Ibarretxek, Agirre Lehendakaria Centerreko zuzendari eta lehendakari ohiak.
Azaroak 13, asteazkena
19:00.Nadet Agirre arraunlariak, Nahikari Garcia futbolariak eta Mikel Iturria txirrindulariak Kirolari handia izatea nuen amets eta... hitzaldian hartuko dute parte, elizan.
Azaroak 14, osteguna
19:00.Dantza filma eskainiko dute elizan. Ondoren, Juan Antonio Urbeltz eta Jexux Larrea ariko dira solasean.
Azaroak 15, ostirala
21:30.Asier Kidam Magic-ek Aroa eta mirariak magia ikuskizuna eskainiko du elizan.
Azaroak 16, larunbata
18:30.Elizan familia guztiarentzat pailazo ikuskizuna izango da, Ekain-Txou izenburupean.
20:30.Frontoian pintxo afari-merienda eta sagardo dastaketa izango da.
22:00.Nafarroako Marianitoz Blai Mex&Roll taldearekin dantzaldia frontoian.
Azaroak 17, igandea
13:30.Bizilagunak egitasmoan parte hartzen duten kanpoko eta herriko familiei harrera egingo zaie.
17:30.Joxe Mendizabal musikariarekin dantzaldia egingo dute frontoian.
18:00.Txokolate beroa eta bustitzekoak, kultur astea amaitzeko.