Eguraldiaren arabera, GI-3610 errepidean egiten ari diren lanak atzeratu egin daitezke. Giroak laguntzen badu, Hidronorreko bidegurutzea itxi egingo dute egun osoan eta ezingo da herrigunera doan errepidea erabili. GI-3022 errepidea erabili beharko da Adunara iristeko, Sorabillatik barrena, biribilgunea hartu eta hilerritik barrena.
Errepidea ixten badute, Uztartza ondoko biribilgunean seinalizazioa jarriko dute bide hori ez erabiltzeko.