Adunako jaiak 2019

Danbor hotsek alaitu dute Aduna

Lehenengo aldiz egin dute Adunako Danborrada eta 45 parte hartzaile inguru izan ditu.

Festetan ohikoena tradizioari eustea bada ere, Adunan badute berrikuntzetarako tarterik ere. Aurtengo nagusia danborrada izan da. Bart gauean, 45 herritar atera dira kalera danborrak eta barrilak astintzera. 23:00etarako herriko plazan zuten hitzordua jarrita, eta herrian zehar buelta bat egin ondoren, bertan amaitu zuten ibilbidea. Gainera, ibilbidean Uztantza eta Aburuza sagardotegietan geldialdi bat egiteko tartea ere hartu zuten eta herritarrek animoen faltarik ere ez zuten izan.

Hemendik aurrera ere izango da festarako aukera Adunan. Ikusi hemen egitarau osoa.

 

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!