Etorriko dira txekor jate, ama birjin, oilasko biltze eta kuadrillen eguna, baina, hitzordu garrantzitsuenen atarikoak dastatzen ere jakin egin behar da, eta Adunan horretan dihardute gaur. Goizean goiz buruarinen tailerrarekin hasi dituzte festak, eta eguerdiak lehenengoz hartu du haur eta gazteen Caldereria pala txapelketako finala, herriko pilotalekuan.
Alebin eta infantilen norgehiagokaren artean, herriko benjaminek partida jokatu dute. Zalantzarik ez da, gaur frontisa izango dutela festaleku, izan ere, arratsaldean XVI. trans-Ernio piloa txapelketa jokatuko dute leku berean.