EuroBasquek, europar nortasuna sustatzeko lana indartuz, 2007an Francisco Javier de Landaburu Primus Saria sortzea erabaki zuen. Ekimen horren helburua da belaunaldi gazteenengan "ilusioa" piztea, "Europar Batasunaren berri izan dezaten eta ezagutu dezaten 500 milioi lagunek partekatzen duten proiektu hori". Antolatzaileek azpimarratu dutenez, "bakerako, askatasunerako, demokraziarako, aurrerakuntza ekonomikorako eta elkartasunerako proiektu zirraragarria da Europa".
Eusko Jaurlaritzako Hezkuntza sailak laguntzen du ekimena eta Lehen Hezkuntzako ikasleek hartzen dute parte. Lehen saria, Adunako Aiora Zubillagak lortu du, Gure esku dagoen Europa lanarekin.
