Jarraian, herri sarreran, mural bat pintatu dute herritarren artean. Bi lelo ditu muralak eta lehiaketa bidez izan dira aukeratuak. Esku ugarik ere bete dute mural borobilaren buelta osoa. Batukadaren erritmora ibili dira, batera eta bestera, eta bazkal aurreko ekitaldiei bukaera emateko, herri argazkia atera dute. Gustura agertu dira herritarrak ekimenarekin, eta baita parte hartzearekin ere.
Guztiek batera bazkaldu dute frontoian. Esan behar da, oraindik ez direla bukatu ekitaldiak, eta hurrengo larunbatean, apirilak 6, autodefentsa feminista tailerra egingo dute.