"Gizonen zeregina berdintasunean" gaiaren inguruko solasaldia izango da herritar guztientzat Adunako kultur aretoan. 18:30ean hasita eta Mikel Otxotorenak gidatuta, hainbat baieztapenen inguruan gauzatuko dute mahai-ingurua: "Berdintasunean arazoaren parte gara, eta konponbidearena; Gizonoi kosta egiten zaigu ikustea, egunerokotasunean, gizon izategatik zein pribilegio ditugun; Gizarte berdinzale eraikuntza helburu baldin badugu, gizonen eta emakumeen ardura izan behar du, eta ez bakarrik emakumeena".
Ostiralean, berriz, 14:30ean, Saharar errefuxiatu zelaietan grabatutako Tito dokumentala eskainiko dute. Yago Mateo dokumentalaren zuzendaria ariko da dokumentalaren ondorengo solasaldian hizketan eta Itsaso Noval Adunako eskolako irakaslea ere ariko da hizketan, Saharar herritarrek eta Tolosaldea Sahararekin elkarteak antolatutako ekitaldian.