Euskal Heriko Mendi Duatloi Zirkuituaren 10. lasterketa ea azkena izan da aurtengoari dagokionez. Lehen aldiz burutu dute Adunan eta parte hartzaileek 3,4 kilometro egin dituzte korrika, ondoren mendi bizikletaz 14 kilometroko ibilbidea egin dute mendian, eta azkenik, berriro korrika zirkuituari itzuli bat eman behar izan diote.
70 parte hartzailetik gora izan dira gaurko lasterketan eta Adunako plazan jarritako helmugan hauexek izan dira lehenak sartzen:
Gizonezkoak:
1. Alexander Ordeñana
2. Alain Santamaria
3. Eneko Gurrutxaga (Amasa)
Emakumezkoak:
1. Zuriñe Frutos
2. Maddi Mujika
3. Ainara Pequeño
Bikoteak:
1. Ibai Makazaga eta Eneko Gonzalez
2. Asier Aburuza eta Enaitz Roteta (Aduna - Amasa)
3. Enara Oronoz eta Erlantz Uriarte
Adunarrek parte hartze handia izan dute Mendi Duatloiaren antolaketan eta sari banaketaren ondoren triki poteoa izan da eta Aburuza sagardotegian egingo dute gero afaria. Afalostean gainera, Euskal Herriko Mendi Duatloi Zirkuituko sariak banatzeko ekitaldia egingo dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!