Euskal Herriko 41 sagardotegik eta 228 epaimahaikidek hartu dute parte IV. Sagardo Txapelketa Herrikoian. Finalaren aurretik, lau finalaurreko jokatu dira, Beasainen, Goizuetan, Oñatin eta Urnieta, eta horietako bakoitzeko lehen biak finalera sailkatu dira, eta gainontzeko bederatziak, puntuazioz.
Finalista horien artean hiru Tolosaldekoak ziren: Adunako Aburuza eta Zabala, eta Tolosako Eguzkitza. Hain zuzen, Zabalak puntuazio onena eskuratu zuten Beasainen; Eguzkitza izan zen Oñatiko bigarren finalerdiko onena, eta finalean puntuaziorik onena eskuratu du Aburuzak.
Larunbateko finalean, puntuaziorik onena Andoaingo Gaztañaga Sagardotegiak eskuratu zuten, Adunako Aburuza izan zen bigarren eta Astigarragako Irigoien-Herrero sagardotegia hirugarren.
Lehen hiru sailkatuek Hazi Fundazioaren eskutik jaso dituzte Eusko Label eta kalitatezko zigilua duten produktuen sorta bana, baita Gipuzkoako Sagardogileen Elkartearen oroigarria eta Usurbilgo Udalak ekitaldi honetarako bereziki landu dituen hiru oroigarriak, Uxoa Zumetak egindako Joxe Luix Zumetaren lanen serigrafiak.