Adunako Juan Kruz Igerabide idazleak irabazi du Espainiako Haur eta Gazte Literaturako Saria Abezedario Titirijario (Letren Txotxongiloa) lanarengatik.
Espainiako Kultura eta Kirol Ministerioak jakinarazi du Juan Kruz Igerabide saritu duela Abezedario Titirijario lana dela eta. Epaimahaiak adunarrak liburuan erabilitako hizkuntza poetikoa nabarmendu du, euskal ahozko tradizioaz gain, umore absurdoa bikain erabiltzen duela aipatuz.
Abezedario Titirijario (DenonArtean) euskaraz argitaratu zuen, baina katalanez, galegoz eta gaztelaniaz ere badago. Espainiako Sarian 2017ko argitalpenak saritzen dituzte eta egileak 20.000 euro jasoko ditu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!