Atzo arratsaldean 20 eta 29 urte bitarteko hiru gazte atxilotu zituen Ertzaintzak Adunako Urtaki industrigunean lapurreta egiten saiatu zirelakoan.
Herritar batek eman zion abisua SOS Deiak zerbitzuari, 14:30ak aldera. Agenteak enpresara bertaratu ziren unean, hiru pertsonak alde egiten saiatu ziren, larrialdi ateetako batetik. Hesia pasatzerako orduan harrapatu zituzten ertzainek.
Atxilotuetako bati estupefazienteak topatu zizkioten, eta espedientea zabaldu diote. Datozen orduotan epailearen aurretik pasa beharko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!