Datorren urteari begira azoka berezi bat antolatu nahi dute Adunan, baserrietan egiten ziren lanen inguruan eta gaur egun herrian eta herritarrek egiten dituztenak ezagutzera emateko. Guzti horri buruz hitz egiteko kultur aretoan 19:00etan egingo dute bilera, asteazkenean, azaroaren 22an.
Azoka horretan ahalik eta herritar gehien parte hartzea nahi dute eta horregatik denei bileran parte hartzeko deia luzatu diete.
Igaro berri den kultur astean, garia egiteko prozesuari hasiera eman diote Uztartza atzealdeko lurretan. Ekinbideak nola jarraituko duen azalduko da, besteak beste, bileran.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?