Besteak beste, eraikinen ikuskatze teknikoaren (EIT-ITE) inguruan informazioa emango da.
Horrekin batera, Kamioko etxebizitzen gaia ere izango da eztabaidagai. Aspaldian dabiltza herrian garapen honi irteera eman nahian. Azken aldian pausoak ematen ari dira udalek eta horren inguruan herritarrek informatzeko beharra ikusi dute ordezkariek. Etxebizitza horietan zer nolako interesa egon daitekeen jakin nahi du Adunako Udalak eta ondorioz, interesatuak batzarrera joatea edo udalarekin harremanetan jartzea eskatu dute, esan dutenez, "proiektuaren bideragarritasuna eskaeraren araberakoa izango baita". Hala ere, aipatu dutenez, izen eman edo interesa agertzeak "ez du inongo konpromisorik hartzera behartzen".
Bestalde, Txantxane azpiko lokala erosi du Adunako Udalak eta horren inguruan hitz egiteko "beharra" ikusi dute udal ordezkariek. Aztertzen ari dira lokal horrekin zer egin (liburutegia, haurren lokala...) eta horregatik, interesa dutenei batzarrera joatea eskatu diete udaletik, "gurekin batera hausnartzeko".