Muxkil Elkarteak 11. aldiz antolatu du txapelketa, udalaren laguntzaz. Aurten, punta-puntako harri-jasotzaileak aritu dira: Aimar Irigoien, Jokin Eizmendi, Guzta, Iban Ugartemendia, Joseba Ostolaza, Aimar Galarraga, Izeta III.a eta Izeta IV.a.
Harri-jasotzaile bakoitzak bi jasoaldi eman behar izan dizkie bost harriri, 10 minutuko txandan. Errezildarrak 1'47'' behar izan ditu eta bigarrenari, Jokin Eizmendiri, 1'19'' aterata.
Sailkapena:
- Aimar irigoien 1'47''
- Jokin Eizmendi 3'06''
- Aimar Galarraga 4'05''
- Joseba Ostolaza 4'07''
- Izeta IV 4'31''
- Izeta III 4'33''
- Iban Ugartemendia 5'26''
- Guzta 5'48''
Txapelketaren ondoren, 185 kiloko zilindro zaharra esku bakarrez jasotzeko aukera izan da, baina, inor ez da proba egitera ausartu. Iñaki Gorostidik bere garaian 77 kilo zituela egin zuen erronka hori eta orain arte ez du inork jaso Adunan harri hori esku bakarrez.