12:00ak aldera elkartu dira herritarrak plazan II. pintxo lehiaketarako. Jarraian, egindako pintxoak dastatu eta sagardo dastaketa ere egin dute. Bertso bazkaria zuten ondoren, Oihana Iguaran eta Unai Mendizabal bertsolariekin. Menua honakoa izan dute: paella, entsalada, txekor saiheskia eta flana izozkiarekin.
Eguna horrekin amaitzen den arren, Korrikaren aldeko festa ez da amaitu. Hilaren 31n, ostiralean, Loatzo musika eskolakoek saxofoi audizioa eskainiko dute Adunako elizan eta apirilaren 4ean, asteartean, eskusoinu audizioa izango da Adunako kultur aretoan, Loatzo musika eskolak eskainia.