Aspaldian dabil Adunako Udala hondakinen eta aparkalekuen ordenantza berriak lantzen.
Alde batetik, dagoeneko martxan duten hondakinen bilketa sistema eta hondakinen zerikusia duten beste eremu batzuk arautzen dituena (obra hondakinak, hondakin arriskutsuak, isurketa ilegalak...).
Bestetik, eta aparkalekuekin egoten diren arazoak ikusita, aparkaleku eta eremu publikoen erabilerarako ordenantza onartzeko asmotan da udala.
Orain arte landu denaren zirriborroak aurkeztu eta beraien funtsa azalduko dute astearteko batzarrean. Horrekin batera, herritarren iritzia, proposamenak eta iradokizunak jaso nahi dituzte ordenantza hauetan txertatzeko.